Shqiptarja me famë botërore, Rita Ora i është drejtuar gjykatës, me një padi kundër kompanisë Roc Nation, të producentit Jay Z.
25-vjeçarja shqiptare kërkon të mbyllë përfundimisht kontratën me kompaninë.
Duke iu referuar ligjit të Kalifornisë të marrëdhënies 7-vjeçare mes një kompanie dhe një individi, ajo kërkon shkëputjen ligjore nga menaxhimi i tyre.
Këngëtarja nënshkroi kontratën me Roc Nation në 2008, kur ishte 18-vjeçe dhe tashmë shprehet se kompania muzikore po fokusohet në menaxhime sipërmarrjesh të tjera si sporti, duke e lënë Ritën.
Ylli i muzikës ka thënë se ajo ka paguar vetë për të gjitha daljet e saj skenike dhe për regjistrimet e videot muzikore. Në padi shkruhet se marrëdhënia e Ritës me “Roc Nation” është dëmtuar në mënyrë të pakthyeshme, duke hedhur poshtë çdo tentativë për rishikim të marrëveshjes.
Marrë nga Daily Mail. Përgatiti: Jearta Çaushi
