Rita Ora ka emocionuar me performancën e saj të jashtëzakonshme në sheshin “Skënderbej”. Këngëtarja me famë botërore tërhoqi vëmendje me pamjen e saj, konkretisht me veshjen.
Rita kishte veshur një ‘body’ ku ishte ndërthurur mjaft bukur detaji i shqiponjës dykrenare.
Body i zi i Ritës është krijuar nga stilisti Valdrin Sahiti, me të cilën ai ka publikuar edhe një foto ku shfaqet me artisten.
Këngëtarja këndoi e kërceu, ku ‘elektrizoi’ fansat e saj me atmosferën e krijuar.
Gjatë një konference për shtyp para koncertit ajo u pyet nëse do të ketë në të ardhmen një bashkëpunim mes saj dhe artisteve të tjera me sukses ndërkombëtar, Dua Lipa, Bebe Rexha dhe Ava Max.
Ajo i është përgjigjur pyetjes të gazetarëve duke e treguar hapur problemin që ka me Duan. Rita tha se “gjërat bëhen në kohën” e duhur, duke shtuar se kur të vijë koha e duhur ajo është “gati.”
“E kuptova këtë. Kur unë fillova në 2011 në 2012 u ndjeva se kisha shumë më shumë presion për ta futur vendin tim në hartën globale dhe mendova që jam e vetmja në atë kohë. Tani jam e çliruar që kam shumë më shumë nga vendi im në fushën time por edhe në fushat e tjera. Ne kemi shumë talent si ato që përmende, dhe do të ishte një ëndërr për mua që një ditë që të bëhemi të gjitha bashkë, në kohën e duhur. Të gjitha ka axhendën e ngjeshur, po në kohën e duhur, por mua mund të më llogarisni (po)”, tha Rita.
