Historia e dashurisë së Roza Latit dhe këngëtarit Stine mbahet mend nga të gjithë. Një çift mjaft simpatik, por që dashuria nuk mjaftoi që lidhja e tyre të vazhdonte.
Aktorja e njohur e skenës shqiptare, Rita Lati në një intervistë për të bijën në emisionin “Why Not” zbuloi disa detaje të lidhjes së Rozës me Stinen.
Gjatë bisedës në retrospektivë, Roza e pyeti edhe për adoleshencën e saj dhe për lidhjen me Stinen.
“Flasim pak për adoleshencën e vajzës tënde. Si nuk më ke pëlqyer asnjë të dashur?”, e pyet Roza.
“Se nuk di të zgjedhësh”, ia kthen Rita.
Gjithashtu moderatoja e ngacmoi më tej Ritën duke pyetur se si e kishte përjetuar ajo faktin që vajza e saj ishte e lidhur me një këngëtar.
“Thashë edhe një çikë dhe do t’i dalë qejfit. E preferonin atëherë vajzat dhe e doja shumë Nestin, djalë shumë i edukuar, familje e mrekullueshme. Por ishit shumë të rinj, shumë të vegjël kështu që mami nuk e lodhi shumë trurin për këtë pjesë. E falënderoj shumë se në atë moshën që ti kishe Nestin, shoqet kishin 100 Nesta. I jam mirënjohëse deri në fund Nestit”, tha aktorja e madhe duke na befasuar të gjithëve me përgjigjen e saj.
Ndërkohë Roza e pyeti Ritën se çfarë mendon ajo si mama kur e shikon se vajzës së saj i është thyer zemra dhe përgjigjja e aktores ishte aq epike saqë shkaktoi të qeshura në publik.
“Qyqja . Të keqen mami, pse të është thyer zemra ty?”- iu përgjigj me humor Rita Rozës.
