Bleona Qerreti jo vetëm që vjen me projekt të ri, por me një risi. Këngëtarja shqiptare lajmëroi ditën e kaluar nëpërmjet rrjeteve të saj sociale se projekti më i ri muzikor është gati.
Hiti i saj i radhës i titulluar “Take it Like a Man” është publikuar në “SoundCloud” dhe “ITunes” dhe duket se Bleona është mjaft krenare për këtë projekt. Ajo tregon qartë se nuk dëshiron një djalosh në jetën e saj, por një burrë i cili është i aftë të marrë përsipër përgjegjësitë e tij.
Bleona vendosi të bëjë bujë me këtë hit dhe nëpërmjet një postimi në “Instagram” pak orë më parë na tregon se kjo këngë tashmë vjen në 10 variante remix, ku secili nga ne është i lirë të zgjedhë të preferuarin në “Google Play”.
Mesa duket Bleonës i duhej ta riktheksonte 10 herë se çfarë dëshiron nga një mashkull dhe fansat e saj janë shumë mbështetës në këtë aspekt. Ndërkohë duket qartë se kërkimi për dashurinë e vërtetë vazhdon akoma për këngëtaren tonë.
Burimi: Instagram
