Java e Modës në Milano nisi fuqishëm me sfilatën e “Gucci”-it, ndërsa ditën e djeshme Alberta Ferretti solli risi në modë.
Modelja gjysmë somaleze, Halima Aden, ka kaluar një javë të çmendur. Ajo nënshkroi për agjencinë e njohur të modelingut IMG, eci në pasarelën e Yeezy dhe u shfaq për herë të parë në kopertinën e një reviste.
Modelja, që u bë e njohur si femra e vetme që mori pjesë në “Miss Minnesota” me një xhihab dhe burka, sapo u shfaq në Javën e Modës në Milano, për koleksionin e Alberta Ferretti-t.
Ajo ishte modelja e vetme që mbante një xhihab.
Në prapaskenë modelja u dallua duke përqafuar Gigi Hadid, e cila ishte gjithashtu pjesë e shfaqjes bashkë me motrën e saj, Bella-n.
Dy motrat supermodele u shfaqën me nga dy veshje, të ndryshme secila. Gigi ishte ajo që hapi shfaqjen me fustanin tyli me dizajnë, ndërsa Bella u paraqit me një fustan me vija bardh e zi.
Ndërsa më pas dy motrat u prezantuan me fustane tyli të zi për mbrëmje. Përfundimisht një sfilatë mode nuk mund të jetë e plotë pa dyshen e modeleve, që performojnë në mënyrë profesionale, por janë shumë përkrahëse me koleget e tyre.
Burimi: Elle
