Ditën e sotme Ministria e Shëndetësisë në konferencën për shtyp ka treguar shfirat e reja për 24 orët e fundit të personave të infektuar nga COVID-19.
Në këto 24 orë janë kryer 253 testime, nga të cilat janë konfirmuar 20 raste pozitive, ku 10 prej tyre janë në Tiranë, 3 në Shkodër, 3 në Krujë, 2 në Durrës, 2 në Tropojë.
Një person i cili është riinfektuar përbën rastin e parë në vendin tonë që dikujt i është kthyer virusi.
Personi i cili është riinfektuar pas thuajse 3 muajsh, bëhet me dije se është pjesë e stafit mjekësor. Gjendja e tij shëndetësore deri tani është e stabilizuar.
Në spitalin infektiv, ku aktualisht po trajtohen 27 të prekur, 6 janë në terapi intensive, ku njëri prej tyre është i intubuar.
Rastet e reja të identifikuara në 24 orët e fundit janë si pasojë e kontakteve familjare dhe disa raste të reja në proces hetimi.
Gjatë 24 orëve të fundit janë shëruar 15 qytetarë, duke e çuar në 925 numrin e të shëruarve që nga fillimi epidemisë.
