Silva Bino, shefja e sëmundjeve infektive në Institutin e Shëndetit Publik, njëkohësisht edhe kryetrja e komitetit të ekspertëve foli në lidhje me përhapjen e Covid-19 në vendin tonë.
Kjo e fundit është shprehur se është ndarë harta e Shqipërisë në 3 zona që janë e kuqe, portokalli dhe e verdhë. Sipas saj Fieri, Gjirokastra, Gramshi, Kavaja, Korça, Mallakastra, Mirdita, Përmeti, Puka, Saranda, Tepelena, Tirana dhe Tropoja janë zona të kuqe.
Zonat portokalli janë Berati, Devolli, Durrësi, Elbasani, Kolonja, Kuçova, Kukësi, Kurbini, Lezha, Librazhdi, Lushnja, Peqini, Pogradeci, Skrapari, Shkodra dhe Vlora.
“Kemi zona të cilat kanë shumë pak raste që shkojnë deri në 58 për 100 mijë banorë të cilat janë të gjitha bashkitë e tjera. Ajo çka kemi parë në, dy javëshin e fundit, kemi parë një rritje të incidencës. Gjithashtu kemi dhe rritje të numrit të rasteve. Natyrisht edhe përllogaritja e R-së është një element që tregon se kemi rritje në fundin e muajit tetor dhe shkon në 1.3 duke e krahasuar në shtator ku kishim ulje në 0.9”, vijoi ajo.
Gjithashtu bëri me dije se nga data 11 nëntor:
“Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme. Ndalohen aktivitetet e bareve – restoranteve nga ora 22:00 – 06:00 (përvec shërbimit delivery”, tha prof. Rakacolli.
Drejtuesja e Komitetit Teknik tha se për administratën publike rekomandohet puna nga shtëpia, në zbatim të protokolleve të sigurisë.
“Smart-working për administratën publike (sipas specifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë”.
Këto masa do të hyjnë në fuqi ditën e mërkurë në 11 Nëntor dhe do të zgjasin deri në 3 javë. Masat do të rishikohen çdo javë në varësi të situatës dhe dinamikës së ngjarjeve.
