Ministria e Infrastrukturës dhe Energjisë ka publikuar pak më parë kalendari i fluturimeve që janë planifikuar të kryen këtë javë për riatdhesimet.
Bëhet me dije, në datat 18 dhe 19 prill do jenë fluturimet e para. Me datë 18 prill do jetë fluturimi Stamboll-Tiranë, më pas Tiranë-Romë dhe kthimi Romë-Tiranë.
Në datën 19 prill, ministria bën me dije se do jenë fluturimet Tiranë- Milano dhe Milano-Tiranë.
Përsa u përket kushteve, qeveria ka bërë me dije se riatdhesimi do të bëhet me paratë e vetë qytetarëve.
Ata duhet të bëjnë aplikim online për të rënë dakord me kushtet e karantinimit dhe të paguajnë 98 euro për hotelin që do të qëndrojnë.
Hoteli është i caktuar nga qeveria për në qytetin e Durrësit dhe askush nuk do i shmanget karantinimit.
