Rama ka prezantuar disa ditë më parë paketën e dytë ekonomike, duke bërë me dije se do jetë 176 mijë qytetarë që do ndihmohen, duke marrë nga 400 dollarë secili.
Sakaq, në këtë paketë të dytë u përfshi edhe turizmi, teksa sektori i turizmit, fasonët dhe bizneset prodhuese do të kenë në dispoziocion një garanci sovrane 150 milionë dollarë me ndarje risku mes qeverisë dhe bankave.
Mbrëmjen e sotme, i ftuar në “Opinion” Rama ka folur lidhur me dy planet ekonomike të qeverisë, ku tha se në fillim të javës së ardhshme të gjithë do të jenë likuiduar.
Kreu i qeverisë tha se po ashtu në fillim të javës së ardhshme do të fillojë edhe shpërndarja e pagave të luftës për kategorinë e dytë.
“Unë nuk e urdhëroj dot biznesin e madhe për të mos hequr njëri nga puna. Kam bërë thirrje. Ne po bëjmë atë që kam thënë. Nuk do t’i lëmë vetëm. Për paketën e parë po kryejmë pagesat për ata që u goditën drejtpërdrejtë, jo indirekt. Janë 40327 punonjës të kësaj kategorie e kanë marrë pagën dhe e kanë në konto, të tjerët janë në proces sepse ka një verifikim që bëhet. Kërkon pak kohë. Të gjitha ata që përfshihen në kategori do ta marrin pagën. Në fillim të javës së ardhshme do të jenë të gjithë të likuiduar dhe do fillojë shpërndarja e kategorisë së dytë,”-tha Rama./gazetareforma
