Largimi i Adi Krastës nga Top Channel dhe kalimi i Luana Vjollcës në të njëjtin orar transmetimi, nuk është pritur mirë nga disa persona.
Njëri prej tyre është fotografi i njohur shqiptar Armando Babani, i cili shkruan:
“Çuditeni??! Jo mo njerëz jo… mos u çudisni hiç! Në këtë derexhe e sollëm Shqipërinë, të gjithë bashkë, kush më shumë e kush më pak, kush me dashje e kush padashje… në Shqipërinë ku Luanat ‘zëvendësojnë’ Krastat…!”.
Në fakt, Luana nuk do të zëvendësojë Krastën por ajo do të kete një program të sajin ndryshe nga ai që ishte parashikuar për moderatorin Krasta që u tha se do të kishte një program të tipit” Jimmy Fallon”. Dita e shtunë është ajo që ngjalli polemika e që bëri të përflitet për një “zëvendësim” të Krastës me Luana Vjollcën sepse programi i ri do të transmetohet në të njëjtën ditë të javës.
