Reperja Doja Cat ka bërë me dije se ajo ka rezultuar pozitive për COVID-19 dhe për këtë arsye është e detyruar t’i anulojë permormancat e saj të ardhshme.
“Siç shumica prej jush ndoshta keni dëgjuar më herët, disa anëtarë në ekipin tim rezultuan pozitivë për Covid-19 dhe më duhej të anuloja disa nga shfaqjet e mia të ardhshme si një masë paraprake sigurie”, shkruante artistja 26-vjeçare në një postim në Instagramin e saj.
“Fatkeqësisht, jam e trishtuar të ndaj që sapo u testova pozitive dhe nuk do të jem më në gjendje të performoj në pjesën tjetër të turneut iHeartRadio Jingle Ball. Ndërsa humori im është i rënduar pasi nuk mund të jem atje për të festuar me fansat e mi në Philly, DC, Atlanta dhe Miami, jam mirë dhe mezi pres të shërohem dhe të kthehem atje sa më shpejt që të mundem! Pjesa tjetër e ndalesave të turneut kanë disa formacione vërtet të shkëlqyera, do të doja që të mund të isha atje. Shumë dashuri”, vazhdonte ajo më tej.
Krijuesja e hitit “Say so” kishte thënë më parë në një postim të premten se nuk do të ishte në gjendje të performonte shfaqjet “Jingle Ball” në New York City dhe Boston, pasi po praktikonte ‘matjet e duhura të sigurisë dhe masat e nevojshme paraprake’ pasi një numër i anëtarëve të ekuipazhit të saj rezultuan pozitivë për COVID-19.
