‘Mi gente’ është kënga e J Balvin në bashkëpunim me Willy William që u tha se do të sfidonte “Despacito”-s.
Por edhe pse nuk e ka kapur ende nivelin e saj të klikimeve, kënga ka arritur të pëlqehet në mbarë botën, dhe shumë të rinj kanë realizuar video me kërcime apo cover-a të këngës.
Këtë ka bërë edhe këngëtarja shqiptare Antonela Çekixhi, ish-konkurrente e ‘X-Factor Albania’, e cila ka postuar videon e interpretimit të saj në “Instagram”.
Pa pritur, ajo ka marrë një falënderim nga vetë artisti i këngës, i famshmi J Balvin.
Ai ka postuar disa emoji me shenjën e falenderimit për këngëtaren, e cila ia ka kthyer komentin me disa zemra.
Pak kohë më parë, edhe këngëtari nga Kolumbia, Maluma, publikoi një video të këngëtares shqiptare Antonela, teksa ajo këndonte “Felices los 4”.
