Për herë të parë në botë, një grup shkencëtarësh kinezë kanë arritur të kurojnë nga diabeti një pacient duke përdorur terapinë qelizore.
Pacienti, një burrë 59-vjeçar, i cili kishte 25 vjet që vuante nga diabeti i tipit 2, gjatë gjithë jetës është përballur me komplikime të rënda nga kjo sëmundje. Në vitin 2017 ai ju nënshtrua një ndërhyrjeje për transplantin e veshkës.
Megjithatë ai kishte humbur pjesën më të madhe të funksionit të ishullit të pankreasit, i cili është thelbësor për rregullimin e niveleve të glukozës në gjak dhe ishte i varur nga injeksione të shumta ditore të insulinës.
Studiuesit globalë kanë hetuar transplantet e ishujve të pankreasit si një trajtim alternativ premtues, duke u fokusuar kryesisht në krijimin e qelizave të ngjashme nga kulturat e qelizave burimore njerëzore.
Pas më shumë se një dekade përpjekjesh, skuadra kineze ka bërë përparim të dukshëm. Në korrik 2021, pacienti iu nënshtrua transplantit të qelizave.
Vetëm 11 javë më vonë, ai nuk kishte më nevojë për insulinë të jashtme dhe brenda një viti, nevoja e tij për mjekim oral për të kontrolluar nivelet e sheqerit në gjak u eliminua plotësisht.
Ekipi, i udhëhequr nga Yin Hao, një studiues kryesor në Spitalin Changzheng të Shangait, përdori dhe programoi qelizat mononukleare të gjakut periferik të pacientit.
Këto qeliza u transformuan në “qeliza farë” dhe u rikonstruktuan indet e ishullit të pankreasit në një mjedis artificial. Yin theksoi se ky zbulim është një tjetër përparim në fushën e mjekësisë rigjeneruese, e cila shfrytëzon aftësitë rigjeneruese të trupit për të trajtuar sëmundjet.
View this post on Instagram
