Një tjetër skandal ka ndodhur me kompaninë e produkteve të bulmet ‘Lufra’, e cila po rrezikon shëndetin e shqiptarëve, pasi po hedh në treg produkte të skaduara dhe të prishura.
Në një video të publikuar nga JOQ Albania, një qytetar denoncon kompaninë ‘Lufra’ se në treg ka hedhur produkte të prishura. Ai shprehet se ka blerë një dhallë për të shoqëruar byrekët, por në fund ka zbuluar se dhalli i ‘Lufras’ është i prishur, dhe mund t’i rrezikonte jetën.
Konsumatori shqiptar është lënë në “mëshirë të fatit” nga Autoriteti Kombëtar i Ushqimit’, duke rrezikuar nga probleme serioze shëndetësore.
Pak ditë më parë gazetari Andi Llabuti denoncoi një rast me kompaninë “Lufra”, pasi kishte konstatuar qumësht të prishur. Llabuti i bëri thirrje qytetarëve që të jenë vigjilentë pasi mund të helmojnë fëmijët e tyre me produktet e skaduara dhe jashtë standartit.
“Ditë te shtune unë e kam pushim dhe i përkushtohem familjes, pra nuk bëj dot rolin e gazetarit. Sot si ditë pushimi zbrita poshtë tek ‘Big Market’ dhe marr një bidon me qumësht 1.4 litra. Hapa tapën para se t’ia jepja bijës time, shikoj tapën që skandonte më 29 gusht, pra 5 ditë brenda afatit. E provova nuk mu duk as si qumësht as si kos. Kuptova që kisha blerë qumësht të prishur. Mu errën sytë komplet, ashtu siç isha zbrita poshtë sepse mu errën sytë për fëmijën tim 8 muajshe, për pak e helmova. Zbrita poshtë dhe u them punëtorëve të ‘Big Market’, ky qumësht është i prishur. Më thanë cfarë date skadence kanë: I thashë ka edhe 5 ditë kohë që të skadojë.
Ky qumështi është ‘Lufra’ firma më e dështuar dhe e degjeneruar që e shesin të degjeneruarit. Prindër të dashur keni një detyrë shumë të madhe për të bërë. Të merrni produktet dhe ti provoni juve më parë pastaj fëmijët tuaj. Përderisa ju kishit dëshirë të bëheshit prindër atëherë duhet të bëni këtë detyrë. Kjo kohë ka ardhur dhe nuk keni zgjidhje tjetër”, tha gjatë denoncimit gazetari Andi Llabuti.
