Nora Istrefi dhe Jehona Sopi kanë të dyja një marrëdhënie të shkëlqyer si kolege. Përtej raporteve profesionale, ato ruajnë një miqësi të madhe prej vitesh dhe këtë na e kanë dëshmuar shpeshherë.
Edhe ditën e sotme, Nora i ka dedikuar disa fjalë zemre mikes së saj me rastin e ditëlindjes. Jehona feston sot 40-vjetorin e lindjes dhe këngëtarja i ka bërë një dedikim që me siguri do emocionte çdokënd që do merrte një urim të tillë.
“Një grua fisnike, një artiste e shkëlqyer dhe nënë tejet e përkushtuar. Je thjesht inspirim. Gëzuar ditëlindjen Jenkirush! Të dua!”, ka shkruar Nora në postimin kushtuar Jehonës.
Jehona Sopi është disi e tëhequr nga jeta publike dhe vetëm pak kohë më parë ajo ju bashkua rrjetit social, Instagram. Në shkurt të këtij viti artistja u rikthye në muzikë pas një mungese 1-vjeçare me këngën “Jena dashtë” që e solli me videoklip.
