Pas një mëngjesi me tensione të larta në Lindjen e Mesme, presidenti amerikan Donald Trump ka zbutur tonet, duke deklaruar se Izraeli është tërhequr nga planet për një sulm ndaj Iranit.
Përmes një postimi në Truth Social, Trump shkroi: “Izraeli nuk do ta sulmojë Iranin. Të gjithë aeroplanët do të kthehen në shtëpi.” Ai shtoi se do të ketë një “fluturim miqësor” drejt Iranit, pa pasoja apo dhunë, ndërsa armëpushimi mbetet në fuqi.
Deklaratat vijnë pas paralajmërimeve të mëparshme ndaj të dyja palëve dhe pretendimeve të Trump se kapacitetet bërthamore të Iranit janë shkatërruar dhe nuk do të rikthehen më.
