Një studim i ri zbuloi sesi truri i qenit kupton fjalët e njerëzve dhe se ato kujdesen për atë që themi dhe mënyrën sesi e themi.
U zbulua se qentë, ashtu si njerëzit, përdorin hemisferën e majtë për të përpunuar fjalët dhe hemisferën e djathtë të trurit për të përpunuar intonacionin.
Shkencëtarët në Hungari kanë dalë në përfundimet se qentë arrijnë të kuptojnë dhe dallojnë kuptimin e fjalëve dhe intonacioneve që ne përdorim për të folur me ta.
Nëse deri më tani dihej se këto kafshë kaq të dashura për njerëzit, arrinin të bënin lidhjen midis fjalëve dhe objekteve, studimi i ri tregon se ata janë shumë të ngjashëm me njeriun.
Për të kryer studimin, Attila Andics dhe kolegët e tij në Universitetin “Eötvös Lorand” në Hungari, rekrutuan 13 qen nga familje dhe raca të ndryshme. Atyre iu kërkua (pa i sforcuar) që të qëndronin për 7 minuta në skanerin FMRI, i cili maste aktivitetin e tyre të trurit. Gjatë kësaj kohe, një trajner shqiptoi fjalët që tingëllojnë më familjare për qentë.
“Ajo që na bën të veçantë ne si qenie njerëzorë është fakti që arritëm të gjenim një mënyrë për të përdorur trurin tonë, ndryshe nga qentë të cilët nuk u zhvilluan mjaftueshëm. Zbulimi jonë sugjeron që qentë mund ta bëjnë gjithashtu këtë gjë dhe ata përdorin mekanizma të ngjashme të trurit”, shprehet Attila Andics, udhëheqësja e kërkimeve.
Burimi: Daily Mail
