Prej disa ditësh, pylli gjigant i Amazonës është mbuluar nga flakët.
Mediat në mbarë botën kanë ngritur alarmin, pasi situata është përkeqësuar ndjeshëm dhe rrezikohet zhdukja e ksaj sipërfaqeje e cila prodhon 20% të oksigjenit në tokë.
Tymi i pyllit të djegur ka kaluar edhe në qytetet më të afërta, ndërsa janë gjetur kafshë të përvëluara nga flakët. Pamjet e kafshëve që kërkojnë shpëtim kanë rrënqethur rrjetin.
Mirëpo, pas ditësh flakë të llahtarshme që shkrumbuan gjithçka, në pyllin e Amazonës ka ndodhur mrekullia!
E huaja “Express.co.uk” shkruan se në disa zona të pyllit të Amazonës ka nisur të bjerë shi, gjë e cila ka ndihmuar në shuarjen e flakëve.
Megjithatë, sipërfaqja e Amazonës është tepër e madhe dhe shiu ka rënë vetëm në disa zona të caktuara, ndërsa pjesa tjetër vazhdon të digjet.
Djegia e Amazonës do të sjellë ndryshime të mëdha në ekosistem, duke ndikuar ndjeshëm edhe në ngrohjen globale.
