Në puntatën e sotme të “Për’puthen Prime”, përpos debateve, ka pasur edhe momente shumë të bukura – sidomos mes Mikelës dhe Erionit – të cilët kanë finalizuar rrugëtimin e tyre në programin e dashurisë në mënyrën më magjepsëse.
Si fillim ata kërcyen me njëri-tjetrin, por më pas Erioni arriti t’i bënte një surprizë shumë të veçantë Mikelës për të cilën ajo jo vetëm që e pëlqeu por tha se do ta dëgjonte gjithmonë në makinë. E zbuluat çfarë është? Një këngë!
Ai zgjodhi që këngën të mos e bëjë publike në asnjë platformë tjetër për të mos përfituar nga fama e momentit. Teksa Erioni këndonte, Mikela dëgjonte me vëmendje dhe kërcente duke e shoqëruar konkurrentin në çdo moment.
View this post on Instagram
Më vonë, të gjithë (bashkë me shikuesit) u zhvendosën në një ambient tjetër të studios ku çdo gjë ishte zbukuruar vetëm për ata të dy. Ngjante pothuajse si një altar edhe pse askush nuk do martohej.
Ndoshta dasmë nuk bën, por ama mbajtën disa premtime shumë të ndjera për njëri-tjetrin që ndonjëherë pasoheshin me batuta.
Erioni: Premtoj që do e nxjerr Cocon shëtitje kur ti nuk mundesh. Do mundohem të jem sa më i qetë, edhe pse ngacmohet vetë i pari. Unë e thërras për të mirë, ai do me kafshu. Të premtoj që do të përgjigjem cfarë po bën edhe kur sapo kam hapur sytë. Të premtoj që nëse të mërzis, do të trokas tek dera e shtëpisë për të ta hequr mërzinë. Të premtoj që do ha gatimet e tua edhe nëse është si ai byreku që gatove herën tjetër.
Mikela: Kush i bën makaronat më të mira?
Erioni: Pusho se mami është duke parë. Mami i bën të mira, por ti edhe më të mira. Premtoj që do të të them çdo ditë sa e bukur je.
Mikela: Të premtoj që do jem shumë e kujdesshme në veshje. Kur të jesh me nerva, nuk do të të nervozoj më shumë, nuk do nxehem shumë kur të bësh lojëra me Cocon. Ky është premtimi më i vështirë por do mundohem ta mbaj, të premtoj që do filloj të shoh Interin me ty.
Të gjithë u prekën nga fjalët e bukura madje edhe Arjani (si gjithmonë) u përlot nga ky moment.
Ne nuk mund ta finalizonim këtë shkrim më mirë seç do ta bënte vetë Mikela me fjalët e saj ndaj Erionit:
“Nuk ta kam thënë kurrë, por dua të të them që të dua!”
View this post on Instagram
