Brooklyn Beckham dhe Nicole Peltz organizuan dasmën e tyre këtë fundjavë. Ngjarja luksoze u zhvillua në Montsorrel, në Palm Beach, Florida, në shtëpinë e prindërve të Nicola-s. Babai i Nicola-s, Nelson Peltz konsiderohet një nga investitorët më të pasur në vend. Shtëpia e tyre familjare është një rezidencë 44,000 metra katrorë buzë oqeanit, me një vlerë prej 123 milionë dollarësh.
Sipas Page Six, ngjarja u drejtua nga David Beckham, i cili thuhet se i mori seriozisht detyrat e tij, duke përgatitur surpriza për të ftuarit, të gjitha me shpresën për të ofruar një mbrëmje të paharrueshme. Lista e të ftuarve ishte e mbushur me njerëz nga të gjitha industritë, duke filluar nga muzika, aktrimi e deri tek shefat e famshëm të kuzhinës.
Eva Longoria
Eva Longoria, një nga mikeshat më të vjetra të Victoria Beckham. Tashmë u konfirmua pjesëmarrja e saj dhe thuhet se ka patur një veshje të ngjashme me atë të Victoria’s.
Spice Girls
Të pranishme kanë qënë edhe Spice Girls. Pavarësisht se sa shumë i pëlqejnë të gjithë performancat e tyre, grupi nuk performoi gjatë eventit.
Gordon Ramsay
Gordon Ramsay është mik i ngushtë i Beckhams dhe natyrisht që nuk mund të mos ishte i pranishëm.
Tom Brady dhe Gisele Bundchen
Në listën e të ftuarve ishte edhe çifti i njohur.
Nicole Richie
Nicole Richie ishte gjithashtu në listën e të ftuarve.
Snoop Dogg
Një nga të ftuarit më special të dasmës ishte padyshim Snoop Dogg, i cili performoi gjithashtu si DJ në festën pas dasmës.
“Dasma e Brooklyn-it do të jetë një ngjarje e madhe dhe dhurata ime për të dhe gruan e tij të ardhshme është që unë do të zbres dhe do të bëj një set për ta në ditën e tyre të madhe”, u shpreh ai para eventit për “The Mirror”. Duket se ai e ka mbajtur premtimin me një performancë speciale dedikuar çiftit.
