Revista “People Magazine” e ka shpallur këngëtaren amerikane, Pink si gruan më të bukur të vitit.
38-vjeçarja do të jetë në kopertinën e këtij muaji të revistës “People” së bashku me dy fëmijët e saj, vajzën 6-vjeçare Willow Sage, dhe djalin 15-muajsh, Jameson Moon.
Portreti i ëmbël familjar do të shoqërohet edhe me një intervistë të këngëtares së madhe amerikane, e cila do të flasë për fëmijërinë e saj të lirë, por edhe për rolin e saj si nënë.
Pink, emri i vërtetë i së cilës është Alecia Beth Moore, në kopertinën e revistës “People” shfaqet e qeshur ndërsa pranë saj janë dy fëmijët e saj të mrekullueshëm.
Këngëtarja flet në këtë intervistë edhe për marrëdhënien e saj me bashkëshortin, Carey Hart. Pink është takuar për herë të parë me të në vitin 2001 dhe 5 vjet më vonë, ata janë martuar dhe tashmë janë prindër të lumtur të dy fëmijëve.
“Unë besoj që fëmijët tuaj duhet ta dinë se ata mund të mbështeten tek ju dhe se do të jeni atje”, thotë Pink në intervistën e saj.
Gjithashtu Pink rrëfeu se përpiqet vazhdimisht që në familjen e saj të jetë një ambient i ngrohtë që fëmijët e saj të rriten sa më të shëndetshëm.
Burimi: Daily Mail
