Brigitte Macron shoqëroi Presidentin e Francës dhe bashkëshortin e saj, Emmanuel Macron, në vizitën e tij zyrtare në Mbretërinë e Bashkuar, pavarësisht hidhërimit të saj personal në ditët para nisjes së çiftit për në Londër.
Sjellja në dukje e ftohtë dhe e distancuar e Zonjës së Parë të Francës gjatë vizitës së saj në Britani ka, siç zbulon MailOnline, një shpjegim thellësisht të trishtueshëm: vetëm pak ditë para udhëtimit, ajo humbi motrën e saj të dashur, Anne-Marie Trogneux. Edhe pse humbja ishte e kohëve të fundit, Brigitte Macron shoqëroi bashkëshortin e saj në udhëtimin zyrtar në Mbretërinë e Bashkuar , duke përmbushur detyrën e saj institucionale.
Ky incident i veçantë hedh dritë mbi qëndrimin e saj, të cilin disa komentues e përshkruan si “të sikletshëm” ose edhe “të ngrirë” – veçanërisht kur ajo dukej se e injoronte bashkëshortin e saj, i cili i ofroi dorën si ndihmë ndërsa ajo zbriti nga avioni pas mbërritjes së tyre në Londër.
“Kjo është arsyeja kryesore pse znj. Macron duket kaq e tërhequr dhe e sikletshme pranë burrit të saj këto ditë”, tha një burim pranë çiftit.
“Ajo e adhuronte motrën e saj dhe është tronditur thellësisht nga vdekja e saj“, shtoi burimi. “Megjithatë, ajo pranoi se ishte detyra e saj të merrte pjesë në vizitën zyrtare në Mbretërinë e Bashkuar, edhe pse kjo përkoi me periudhën e saj të zisë.”
Incidenti ndodhi vetëm disa muaj pasi një videoklip tregoi znj. Macron duke e goditur me shuplakë bashkëshortin e saj pas mbërritjes së tyre në Hanoi të Vietnamit, majin e kaluar. Çifti presidencial në atë kohë kishte hedhur poshtë kategorikisht çdo sugjerim për dhunë në familje, duke ia atribuar pamjet një “debati të parëndësishëm”.
