Syzet “oversized” të Victoria Beckham janë bërë një nga tiparet e stilit të saj. Dizajnuesja shfaqet shpesh me një palë syze dielli me xham të errët, por arsyeja që ajo i mban shpesh lidhet me gjëra të tjera.
“Mbaj syze dielli, sepse si shumica e nënave, jam zgjuar gjithë natën me fëmijët e mi. Ato fshehin shumë defekte”, thotë ajo.
Ajo diskutoi koleksionin e saj të ri të syzeve dhe pse ato janë një pjesë e pandashme e një gruaje.
“I dua femrat, dua t’i fuqizoj. Mendoj se syzet e diellit janë prekja përfundimtare e veshjes së një femre”, tha ajo.
Beckham gjithashtu foli për koleksionin e bukurisë së saj me “Estée Lauder”.
“Unë jam një fanatike e kontrollit, në rast se nuk e keni dëgjuar tashmë. Kur bëra bashkëpunimin, kisha një tryezë ngrënie plot me kozmetikë dhe ide. Madje kisha ide rreth asaj se sa pigment duhet të përdoret për korrektorin perfekt. Vë shumë korrektor”, thotë dizajnuesja.
Burimi: Harper’s Bazaar
