Studiuesit kanë zbuluar se dhimbjet tipike të ciklit menstrual dhe sindroma paramenstruale shkaktohet nga një proteinë. Ky zbulim mund të ndihmojë për të kuptuar dhe kuruar më mirë këtë shqetësim.
Studimi amerikan i “University of Massachusetts” me titull “The Association of Inflammation with Premenstrual Symptoms”, u publikua në revistën shkencore “Journal of Women’s Health”.
Duke konstatuar se 80 femra në 100 vuajnë nga sindroma premenstruale dhe 50 prej tyre marrin ilaçe për shkak të simptomave, studiuesit u vunë në dilemë se çfarë i shkaktonte këto dhimbje dhe luhaste humorin.
U zbulua se ky shqetësim shkaktohej nga një proteinë, konkretisht proteina C-reaktive (PCR), e cila prodhohet nga mëlçia dhe sintetizohet gjatë një faze inflamacioni të veçantë akut.
Për të arritur në këtë zbulim, studiuesit përdorën informacionet e rreth 300 femrave të ndara në grupe, sipas tetë simptomave tipike të ciklit menstrual, duke zbuluar se prania e lartë e proteinës C-reaktive korrespondonte në praninë më të madhe të simptomave menstruale.
“Ato femra që kanë simptoma të rënda menstruale dhe luhatje humori, rrezikojnë shumë nga sëmundjet kardiovaskulare”, thotë drejtuesja e studimit Elizabeth Bertone-Johnson.
Ideja konsiston në faktin që të mendohet për zbulimin e kurave specifike për të trajtuar simptomat premenstruale, në mënyrë që të reduktohen këto rreziqe.
