Një trend i ri në mesin e grave që punojnë ka filluar dhe po bëhet veçanërisht i popullarizuar, veçanërisht në vendet e Evropës Veriore.
Në Suedi, për shembull, një vend që mbështet të drejtat e njeriut, shumë gra të reja po adoptojnë trendin që është bërë shumë i popullarizuar në mediat sociale dhe quhet “Soft girl” dhe që duartroket gratë që heqin dorë nga puna dhe qëndrojnë në shtëpi.
Vilma Larsson, 25 vjeç, ka punuar më parë në një dyqan ushqimesh, ne azil te moshuarish dhe në fabrikë. Ajo la punën një vit më parë për t’u bërë shtëpiake dhe thotë se nuk ka qenë kurrë më e lumtur.
“Jeta ime është më e qetë. “Unë nuk luftoj më me gjithçka kam dhe nuk jam shumë e stresuar”
I dashuri i saj punon ‘remote’ në financë dhe ndërsa ai i kalon ditët në laptop, ajo është në palestër, për kafe ose duke gatuar. Çifti u rrit në qytete të vogla në Suedinë qendrore, por tani udhëtojnë shumë dhe kalojnë dimrin në Qipro.
“Çdo muaj ai më jep një rrogë nga paratë që fiton,” shpjegon vajza për BBC. Tani, ajo ndan stilin e saj të ri të jetesës në rrjetet sociale, ku ka grumbulluar 11,000 ndjekës. Disa nga postimet e saj kanë gati 400,000 shikime, megjithëse ajo thotë se nuk ka të ardhura nga kjo platforme.
Stili i jetesës së “soft girl” ka qenë një mikro-trend në rrjetet sociale në vende të ndryshme të botës që nga fundi i viteve 2010. Por në Suedi, popullariteti i fundit i konceptit ka shkaktuar habi dhe ndarje.
Ungdomsbarometern, sondazhi më i madh vjetor i të rinjve në Suedi, ka treguar tendencën e suedezëve drejt stilit të jetesës së ‘soft girl’. Të rinjtë, kryesisht nga mosha 15 deri në 24 vjeç, janë pro, ku 14% e nxënëseve të moshës 7 deri në 14 vjeç e identifikojnë veten si ‘soft girl’.
“Ka të bëjë me largimin nga ideali i ‘boss girl’ që e kemi parë prej shumë vitesh, ku ka kërkesa shumë të larta për sukses në çdo aspekt të jetës,” shpjegoi për BBC Johanna Göransson, një studiuese në Ungdomsbarometern.
Megjithatë, çështja ka shkaktuar reagime në vend, në të cilat janë përfshirë edhe politikanë. Gudrun Schyman – bashkëthemeluese dhe ish-kryetare e partisë feministe të Suedisë Feministiskt – beson se gratë që jetojnë nga pasuria e partnerëve të tyre është “shumë e rrezikshme” dhe “një hap prapa” për barazinë gjinore.
Suedia ka një reputacion për zotërimin e balancës punë-jetë – shumica e punëtorëve marrin gjashtë javë pushime në vit dhe më pak se 1% punojnë më shumë se 50 orë në javë.
