Kur dy vajza që publikojnë video në “YouTube”, vendosën të ndjekin dietën e modeleve të Victoria’s Secret, ato e dinin se do të përballeshin me një sfidë të vështirë.
Candace Lowry dhe Michelle Khare u bashkuan për një video të re në kanalin “Youtube”, ku kaluan katër ditë duke ngrënë si një nga modelet më të famshme Adriana Lima dhe më pas e quajtën përvojën “jo argëtuese, aspak të mençur dhe të sigurt”.
Në fillim të klipit, Candace shpjegoi se do të fillonin me ushqime që hanë modelet, Pjesa më e frikshme e dietës bazohet në rutinën e përdorur nga modelet nëntë ditë para shfaqjes, e cila u zbulua nga Adriana Lima në një intervistë me “The Telegraph” në vitin 2011.
Gjatë këtyre nëntë ditëve, Adriana pretendonte se ajo do të pinte vetëm proteina të shtrydhura të bëra me vezë pluhur dhe ujë dhe pastaj dy ditë para shfaqjes ajo do të pinte përsëri ujë dhe pastaj 12 orë para sfilatës nuk do të konsumonte asgjë, madje as ujë.
“Asnjë lëng kështu që do të dehidratohesh, ndonjëherë ju mund të humbni deri në 3,6 kg vetëm nga kjo gjë”, tha modelja në atë kohë.
Për ditën e parë, vajzat nisën një dietë më ushqimet që konsumojnë modelet, duke filluar me bollgur, të bardhë veze, feta portokalli dhe kos.
Më vonë Candace, e mbaroi ditën me një darkë “të mërzitshme” me brokoli, quinoa dhe gjoks pule.
Ditën e dytë, Michelle u ankua se ndihej “shumë e lodhur” pas një dite trajnimi dhe deri në ditën e tretë, ajo po luftonte kundër një humori të tmerrshëm të sjellë nga uria në dietën e lëngshme.
“Kjo dietë është e tmerrshme dhe unë nuk do t’ia dëshiroja as armiqve të mi më të këqij”, tha Michelle.
Burimi: Daily Mail
