Propozimi i një djali të quajtur William Hunn po bën xhiron e rrjetit, pasi ai ka bërë gjestin më të pazakontë për t’i marrë përgjigjen “Po” partneres së tij.
Përveç skenës super romantike me helikopter (e gjitha e mirëmenduar si në filma), Willl iu ul në gjunjë partneres jo me një, por me pesë unaza diamanti!
Kështu, ai i dha mundësinë partneres së tij të zgjidhte unazën e preferuar. Kjo e fundit s’mbajti dot lotët nga emocionet gjatë fjalimit të tij, i cili i tregoi se s’mund dhe s’donte të jetonte pa të, duke i propozuar të bëhej përgjithmonë e tija.
Sigurisht që përgjigja e vajzës ishte “PO”, teksa zgjodhi edhe unazën që i pëlqeu më shumë.
“Po përjetoja shumë emocione, ndërsa përpiqesha të kuptoja se si ia doli të realizonte gjithë këtë dhe unë s’mora vesh asgjë. Kam qarë shumë”- u shpreh e fejuara e Hunn për mediat e huaja.
Fotot e videot e tyre po bëjnë xhiron e rrjetit, ndërsa ky është konsideruar si propozimi më i pazakontë që na kanë zënë sytë, që me siguri shumë vajza do ta donin.
Në fakt, kujt s’do t’i pëlqente!
