Mbrëmjen e kaluar, në emisionin “Dua të të bëj të lumtur” u transmetua historia prekëse e dashurisë mes dy të rinjve, Stiljano dhe Ersonelda.
Ata ishin njohur me njëri- tjetrin që në fëmijëri, pasi familjet e tyre jetojnë në të njëjtin fshat të Vlorës. Pas 1 viti lidhje, çifti vendosur që të fejoheshin dhe u kishin treguar familjarëve të tyre për marrëdhënien.
Mirëpo, gjyshërit e Ersoneldës (prindërit e saj kishin humbur jetën në aksident vite më parë), e kishin ndaluar atë që të vazhdonte lidhjen me Stiljanon sepse ishin kushërinj.
“Unë dhe Ersonelda nuk jemi kushërinj të afërt. Jemi kushërinj shumë të largët. Madje familja ime më ka thënë që mund të jemi kushërinj, por shumë po shumë të largët. Nëse do ishim të afërt atëherë dhe prindërit e mi nuk do më lejonin që të vazhdoja këtë histori dashurie. Ersonelda të kam sjellë këtu për të të thënë që nuk më intereson aspak se çfarë thonë të tjerët, unë të dua ty. Prandaj dua që dhe ti të vendosësh se çfarë do bëjmë!”,- tha Stiljano në studio.
Ersonelda ishte tepër e pavendosur dhe nën presion, ndërkohë që Stiljano i propozoi për martesë duke i drejtuar kutinë e unazës.
Nga ana tjetër, në prapaskenë ndodheshin familjarët e vajzës, të cilët tentuan të hynin me dhunë në skenë. Kështu, Ersonelda kërkoi që të thirrej policia, e cila shoqëroi në komisariat familjarët.
“Ata dëshirojnë që unë të martohem me dikë tjetër, që ka para. Dikë nga jashtë Shqipëria ose në kryeqytet. Ata thonë që po u martova me Stiljanon do rri në të njëjtin vend, por unë e dua Stiljanon”- tha ajo.
Pas largimit të familjarëve, Ersonelda pranoi propozimin për martesë të Stiljanos, ndërsa historia rrënqethëse e dashurisë përloti mbrëmë të gjithë shqiptarët.
