Dixhitalizimi masiv i Kadastres, i vënë në piedestal nga kryeministri Rama dhe qeveria e tij, pasi sipas tyre i jep fund problemit të korrupsionit në kadastër dhe në një farë mënyre problemeve me pronat. Por ky digjitalizim nuk u siguron dot qytetarëve që të marrin certifikatat e sakta të pronave të tyre.
Sipas një denoncimi të ekspertit të IT-së Gent Progni, drejtoresha e AKSHI-t, Mirlinda Karcanaj udhëzon stafin, që asnjë nga pronat nuk do të jetë e certifikuar për shkak se dixhitalizimi masiv rrezikon ta lërë Kadastrën në të njëjtën situatë. Progni ka publikuar edhe një email të brendshëm të AKSHI-t i dërguar nga Karcanaj ndaj një punonjëseje.
Burime nga Kadastra për Oligarkia.al bëjnë me dije se shume nga pronat e regjistruara kanë mbivendosje apo gabime të dhënash, ndaj nuk mund të lëshohen masivisht certifikatat e pronësisë thjesht sa për statistika të dixhitalizimit, pa u konfirmuar më parë.
Që prej kalimit online të shërbimit të kadastrës shumë qytetarë dhe biznese që merren me shit-blerje pronash kanë pasur ankesa pasi nuk marrin dot shërbim apo e marrin shumë vonë. Kujtojmë se Shqipëria ka rënë pre e sulmeve kibernetike disa herë kohët e fundit dhe pyetja që shtrohet a ja vlejti ky digjitalizim?
