Nëpërmjet redaksisë së “Iconstyle” në email, AKCESK, iu përgjigj deklaratës së Gent Prognit, i cili një ditë më parë pretendoi se dokumentet me vulë elektronike që i shkarkojmë nga e-Albania, janë lehtësisht të ndryshueshme gjatë kohës që gjenerohen.
AKCESK në reagimin e tij u shpreh se akuzat e ekspertit janë të rreme, ndërsa siguria e dokumenteve është maksimale.
Pas kësaj, Progni i është kundërpërgjigjur sërish AKCESK me anë të një statusi në Facebook ku ndër të tjera lë një afat deri ditën e enjte për t’i dhënë një përgjigje reagimeve të tyre.
Genti sërish thekson se për të gjitha shkeljet që ai ka zbuluar është i vendosur ta dërgojë në SPAK AKCESK:
“Ndërkohë që AKCESK paska reaguar prap me gënjeshtër dhe unë i kam me fakte dhe do i çoj në SPAK, paskan dalë në shitjë të dhënat e passwordit kthesakamzes që këta thanë është password kot për info publike. Per arsye etike profesionale po e bëj blur! Ndërsa përsa i përket përgjigjes ndaj AKCESK për reagimin mos u mërzisni deri të enjtën, do i japim përgjigje për të dy reagimet.”
