Vijojnë festimet në Mumbai për Priyanka Chopra dhe Nick Jonas, të cilët me miqtë dhe familjarët po kremtojnë dashurinë e tyre.
Mirëpo çifti nuk ka lënë pa shfaqur edhe anën humane, pasi një ditë pas festës së fejesës, ata vizituan një jetimoren St. Catherine’s. Në një postim në profilin e tij në “Instagram” Jonas tregon yllin e filmit “Quantico”, që po kërcente me vogëlushët.
Për Priyankën, ky nuk është një vend i panjohur, pasi prej më shumë se 12 vitesh ajo ka parë të rriten të gjitha vajzat e kësaj qendre! Ajo ka dhuruar shumë dashuri si dhe ndihmë monetare për edukimin e tyre, ndërsa sot njohu fëmijët edhe me bashkëshortin e saj të ardhshëm.
