Era Istrefi po prek majat e karrierës së saj muzikore, falë bashkëpunimit historik për këngën himn të ‘Fifa World Cup 2018’, me këngëtarin latin Nicky Jam dhe Will Smith. Kënga “Live it Up” është publikuar në version audio, pasi po punohet ende për xhirimet e videoklipit.
Mirëpo këngëtarja shqiptare ka shuar kuriozitetin e të gjithëve duke postuar një pjesë të klipit, i cili do të publikohet të enjten. Era shfaqet me një pamje komplet tjetër teksa ndodhet në një rrugë, ku po bëhen gara me makina.
Në një postim në profilin e saj në “Instagram”, këngëtarja Era Istrefi zbuloi veshjen që do të mbajë në videoklip. Mirëpo pak kohë më pas, këngëtarja u pendua dhe vendosi ta fshijë postimin.
Por sa ka kushtuar veshja e Erës? Faqja e ‘Instagram’-it ‘What they wearin’ ka zbuluar se ‘body’ i firmës ‘Adidas’, të cilin Era e ka veshur në pjesën e sipërme, ka kushtuar 49.95 euro. Sakaq, sandalet i përkasin firmës ‘Saint Laurent’ dhe kapin shifrën e 1.095 eurove.
