Shumë femra përjetojnë dhimbje të tmerrshme në gjoks dhe mendimi i parë që të vjen ndërmend është kanceri i gjirit. Por sipas mjekëve, kanceri i gjirit nuk shkakton asnjë dhimbje (ç’ka është e frikshme). Mirëpo çfarë e shkakton dhimbjen në gjoks?
Je gjatë periodave
Një ndër dhimbjet më të shpeshta të gjoksit vjen kur je gjatë periodave si pasojë e ndryshimit të hormoneve. Specifikisht gjatë ovulimit, niveli i hormoneve rritet. Mirëpo lajmi i mirë është se me përfundimin e periodave, edhe dhimbja shuhet. Sipas mjekëve, nëse kombinoni pilulat që konsumoni për të parandaluar shtatëzinënë, do të keni më pak dhimbje pasi mban nivelin e estrogjenit në mënrrë konstante.
I je futur me kokë palestrës
Në momentin që nisni palestrën, menjëherë fillojnë edhe dhimbjet e para. Një ndër to është edhe dhimbja në gjoks, si pasojë e tërheqjes së muskujve.
Kontrollo numrin e recipetave
Është fakt se vajzat nuk i marrin asnjëherë recipetat në madhësinë e duhur ose kanë shumë vite që nuk i ndryshojnë. Nëse recipetat janë shumë të vogla dhe ngushta, atëherë do të nisin dhimbjet e para.
Gjoksi juaj është i ndjeshëm ndaj kafes
Mjekët shprehen se kafja mund të ndikojë shumë në dhimbjet e gjoksit . Dhimbja ose enjtja e gjoksit mund të shkaktohet edhe nga përdorimi i tepërt i kafes dhe çokollatës. Sipas mjekëve, gjoksi është i ndjeshëm ndaj kafesë për shkak të kanaleve të vogla në këtë zonë, që në disa raste mund të rriten nga stimulantë si kafeina apo
çokollata.
Kistet
Në brendësi të gjoksit mund të formohen kiste të vogla, qeska të mbushura me ujë të shkaktuara nga gjëndra të ënjtura, të cilat provokojnë dhimbje. Nëse janë shumë të vogla nuk shkaktojnë ndonjë bezdisje të tillë sa për të shkuar te mjeku, por kur bëhen të mëdha dhe t’ju dhembin shumë, është mirë që t’i drejtoheni menjëherë specialistit për largimin e mundshëm të tyre.
Burimi: Woman’s Health Magazine
