Mbretëria aktualisht është vërtetë “e trishtuar dhe e tronditur” nga zgjedhja e vëllait Princ Harry, e konsideruar “fyese dhe mosrespektuese” ndaj gjyshes Mbretëresha Elizabeth, mësohet nga burimet pranë Princit William.
Sipas prestigjozes “Time”, Duka i Kembrixhit është “shumë i mërzitur” nga Harry dhe gruaja e tij, Meghan Markle ndaj njoftimit të Mbretëreshës Elizabeth se ata do të largoheshin zyrtarisht nga detyrat e tyre mbretërore.
Një burim i afërt me familjen e quajti këtë veprim “të dobët dhe fyes për Mbretëreshën Elizabeth” dhe një mungesë e theksuar respekti ndaj gjyshes nga ana e Harry-t”.
Anëtarët e tjerë të familjes gjithashtu thuhet se janë shumë të “shtangur” dhe akoma nuk e besojnë këtë vendim.
“Pasi e kapërceu zemërimin se si ndodhën gjërat, ai mbeti me mungesën e vëllait të tij. Ata kishin ndarë gjithçka në lidhje me jetën e tyre – një zyrë, një fondacion, takime së bashku shumicën e ditëve – dhe kishte shumë kënaqësi gjatë rrugëtimit së tyre. Atij do t’i mungojë përgjithmonë ”, tha një ndihmës pranë Mbretërisë.
“Ai patjetër që ndjen presionin tani që gjithçka është mbi të. E ardhmja e tij duket ndryshe për shkak të zgjedhjeve të vëllait të tij – nuk është e lehtë”, shtoi një mik i William.
