Çifti mbretëror Meghan Markle dhe Princi Harry kanë pësuar një tjetër tronditje profesionale, pasi publicistja e tyre më e fundit, Emily Robinson, është larguar nga posti vetëm tre muaj pas marrjes së detyrës. Sipas raportimeve të Daily Mail, Robinson, e cila më parë ka qenë drejtoreshë e lartë e publicitetit në Netflix, u largua nga puna këtë muaj, në mënyrë të papritur.
Burime pranë ish-bashkëpunëtores thanë se vendimi ishte tërësisht personal: “Ishte vendimi i saj. U largua disa javë më parë. Ajo nuk është tipi që dorëzohet, ndaj gjërat duhet të kenë qenë vërtet të vështira.”
Largimi i Robinson ka ngjallur diskutime, pasi ajo kishte punuar për vite me radhë në serialin “The Crown”, i cili ka paraqitur disa narrative të ndjeshme për Familjen Mbretërore Britanike. Për këtë arsye, emërimi i saj në ekipin e Meghan ishte parë si një vendim kontrovers që në fillim.
Megjithatë, një zëdhënës i çiftit nga Kalifornia tha në një deklaratë zyrtare: “Znj. Robinson mbikëqyri punën në projekte të veçanta për sezonin shumë të suksesshëm të With Love, Meghan, si dhe ofroi mbështetje për kompaninë e prodhimit. Ajo bëri një punë të shkëlqyer dhe i përfundoi projektet me sukses.”
Ndërkohë, Meghan Markle është renditur në vendin e parë të listës së “personazheve më të papëlqyer të famshëm”, me mbi 48,000 vota, ndërsa Princi Harry mban vendin e tretë në të njëjtin renditje, një tjetër sfidë për imazhin e çiftit në sytë e publikut.
