Pak muaj më parë, atë ndanë lajmin më të rëndësishëm. Pasardhësi i Ahmet Zogut, Leka Zogu II dhe e dashura e tij e zemrës, Elia Zaharia, do të shkojnë drejt altarit.
Çifti zgjodhi që të bëjë publike çdo detaj nga ceremonia martesore që do të mbahet më 8 tetor, përmes website-t zyrtar, royalwedding.al. E teksa data e dasmës mbretërore po afron, Princ Leka dhe Elia Zaharia kanë zbuluar disa detaje tepër të veçanta.
Përmes një postimi në rrjetin social “Facebook”, Elia ka ndarë për miqtë dhe fansat e saj një foto me ftesat e dasmës, të dizenjuara nga Avni Delvina, pasardhës i Hiqmet Delvinës. Lidhur me ftesat, ka reaguar edhe Leka Zogu II, i cili ka shpërndarë një njoftim në faqen e tij në “Facebook”.
“Të dashur miq. Dëshiroj të ndaj me ju disa fotografi të marra gjatë plotësimit të ftesave nga artisti i mirënjohur z. Avni Delvina. Përveç punës së tij si piktor dhe grafist, këtë herë ai me mjeshtëri të veçantë po përkushtohet në kaligrafinë e emrave të të ftuarve”, shkruan pasardhësi i kurorës mbretërore shqiptare.
Një detaj mjaft interesant që nuk mund të na shpëtojë është fakti se ftesat kanë të stampuar simbolin e Oborrit Mbretëror të Shqipërisë. Kjo tregon se çifti po përgatitet për një dasmë madhështore, duke mos harruar edhe detajet më të vogla.
