Princi Harry do përballet sot me Gjykatën e Lartë në Londër. Ai u fut me shpejtësi në ndërtesë pasi jashtë saj ishte e mbushur me plot gazetarë dhe fotografë që donin të kapnin një moment. Sipas mediave, Harry dukej i qetë dhe i relaksuar përpara dhënies së dëshmisë.
Ai ka çështje ligjore të hapura për shkak të ankesave kundër ‘Mirror Group’. Harry do të japë dëshmi si pjesë e betejës ligjore me gazetën, të cilën ai e akuzon për mbledhje të paligjshme informacioni.
Harry me shumë mundësi mund të përballet me pyetje të detajuara për informacione shumë personale që ai pretendon se janë marrë me mjete të paligjshme, një pretendim të cilin grupi i gazetave e kundërshton.
Princi Harry mund të përballet me pyetje rreth historive që përfshijnë marrëdhëniet e tij, nënën e tij Diana, situatën me Meghan në pallat dhe jetën e tij.
