Princesha Charlotte feston ditëlindjen e saj të parë sot dhe për të shënuar këtë rast Kensington Palace publikoi dje katër fotografi të reja të pjesëtares më të re të familjes mbretërore.
Në një foto Charlotte mban veshur një bluzë rozë të kombinuar me kapësen në flokë, ndërsa shtyn këmbësoren e saj nëpër një lëndinë.
Ndërsa në një tjetër ajo shikon e menduar dhe duket e relaksuar dhe e lumtur, mbase sepse nëna e saj, Dukesha e Kembrixhit është pas kamerës.
Në një foto të tretë vogëlushja shfaqet në një karrige druri, këtë herë e veshur me blu, ndërsa në të fundit Charlott ka një ngjashmëri befasuese me vëllain e saj George.
Në fotografitë e shpërndara në “Twitter” shkruhej: “Duka dhe Dukesha janë të gëzuar të shpërndajnë fotografitë e reja të Princeshës Charlotte. Dukesha i realizoi këto imazhe të vajzës së saj në prill në shtëpinë e tyre në Norfolk. Duka dhe Dukesha janë të lumtur të shpërndajnë këto momente familjare, para ditëlindjes së parë të vajzës së tyre. ne shpresojmë që të gjithë të shijojnë këto fotografi të bukura po aq sa ne”.
Princesha u prezantua për herë të parë në publik ditën që ajo lindi, 2 maj 2015 dhe ashtu si vëllai i saj, imazhet e foshnjave u kapën nga mediat botërore.
Por privatësia e Charlotte është vëzhguar me kujdes nga familja mbretërore dhe gjatë një viti ajo u pa në publik vetëm në një rast, në pagëzimin e saj.
Burimi: Daily Mail
