Gjërat rrodhën shumë shpejt në jetën e Adelina Tahirit, shtatzënia, martesa dhe ardhja në jetë e fëmijës së saj të parë. Këngëtarja po përjeton momente mjaft të veçanta mëmësie, pas ardhjes në jetë rreth 2 muaj më parë të të birit, Jon.
Ndërsa ka ndarë shpesh imazhe të të birit, të cilit ia dedikon ditën e saj, këngëtarja tashmë ka setin e parë të fotove profesionale me vogëlushin e saj.
Adelina ngjan si një princeshë e dalë nga filmat e animuar “Disney”, teksa pozon me fustanin e bardhë tyli që valëvitet në ajër. Ndërsa me të dyja duart ajo mbështjell vogëlushin e saj, Joni duket se flen i qetë në duart e të ëmës.
Në foton e publikuar nga Rezarta Shkurta, ajo shfaqet me një kurorë në kokë dhe makijazhin natyral, ndërsa pozon para një sfondi natyre të mbushur nga bora.
Me këtë imazh mund ta cilësojmë këngëtaren si “Princeshën e Akullt” ose si Elsa-n nga “Frozen”.
Adelina u bë nënë për herë të parë më 27 gusht, ndërsa lidhi kurorë me avokatin maqedonas Serjoza Markov në dhjetor të 2017-s.
Burimi: Instagram
