Alketa Vejsiu do të rikthejë shumë shpejt emisionin “Peter Pan 2”.
Lajmin e ka bërë të ditur vetë moderatorja, e cila ka hapur audicionet për të bërë miq të rinj në këtë edicion të dytë të programit.
Ajo fton të gjithë prindërit që kanë fëmijë të talentuar dhe krijues t’i sjellin në ambientet e TV “Klan”.
“Të gjithë u dashuruan me ta! Jemi gati për Audicionet miq! Ju lutem tag prindin e një fëmije të talentuar! Duhet të vijë patjetër në Audicionet të cilat do të zhvillohen vetëm në këto data! Në orën 10.00 në @rtvklan pranë Ish-KinoStudio! Fëmijëve mos i mësoni asgjë, ne do t’i pyesim për të parë sesa krijues janë. Pres me padurim të njoh miqtë e mi të rinj të vegjël!
8,9,10 Nëntor/ AUDICIONET PËR “Peter Pan 2”…
Ndërkohë, moderatorja ka premtuar sjelljen në ekran për herë të parë të programit “Ferma e të famshëmve”. Nuk e dimë se kur mund të nisë spektakli, por Alketa Vejsiu ka thënë se është në planet e saj dhe të televizionit.
