Princesha Leonor është vetëm 13 vjeç dhe është vajza më e adhuruar në Spanjë, pasi është trashgimtare e fronit. Pas fjalës hapëse të babait të saj, Mbretit Felipe VI në 40-vjetorin e Kushtetutës së Spanjës, Princesha Leonor mbajti fjalën e saj të parë si pjesë e familjes mbretërore. Mbretëresha e ardhshme e Spanjës lexoi plot vetëbesim dhe kujdes nenet e parë të Kushtetutës së Spanjës, që njihet ndryshe si Magna Karta.
Në krah të vogëlushes qëndronte i ati i saj, tejet i lumtur për fjalën e parë të së bijës, ndërsa e ëma duartrokiste plot krenari e lumtur në rreshtin e parë të audiencës.
Edhe Mbreti Felipe VI, ishte gjithashtu 13 vjeç kur mbajti fjalën e tij të parë, ndaj ky ishte një event shumë emocional. Në përfundim të fjalimit në Madrid, babë e bijë ndanë një përqafim shumë të ëmbël duke dhuruar një moment magjik për të ftuarit.
Vogëlushja me sytë e qeshur adhurohet për stilin e saj të veshjeve, me ngjyrat blu ku bien në pah sytë e saj plot shkëlqim.
https://www.youtube.com/watch?v=F2Js66JI5Aw
