Një situatë e pakëndshme ndodhi në emisionin e djeshëm “Rubrika Sportive” në RTSH, mes presidentit të Skënderbeut dhe moderatores Hygerta Sako.
Ndërsa kjo e fundit pyeti Ardjan Takajn se kush janë kundërshtarët e Partizanit, të cilët e dinin që në shtator se Skënderbeu do të dënohej, përgjigja e tij ishte ironike.
“Kundërshtarët tanë janë aty. I keni edhe ju aty, pyesni regjisorin. Pyet atë që të flet ty tek veshi”, iu drejtua ai.
Hygerta iu përgjigj duke i thënë: “T’i them Lulit?”.
“Po, thuaji Lulit të vogël…”, i tha Takaj, duke bërë sërish ironi.
Një ditë më parë ai zbuloi mesazhet e ish-drejtorit të Partizanit, Dritan Dervishi, i cili i thoshte Takajt se regjisori i akuzave që vinin nga Shqipëria ishte Pano Xhixho, drejtori i departamentit të sportit në RTSH.
Lidhur me emisionin nuk u kuptua nëse ai i drejtohej pikërisht Pano Xhixhos me fjalën regjisor.
Burimi: Balkanweb
