iconstyle.al > Aktualitet > Ndahet nga jeta në moshë të re themeluesi i Partisë Demokratike

Ndahet nga jeta në moshë të re themeluesi i Partisë Demokratike

Një ndër themeluesit e Partisë Demokratike dhe aktivistët e saj më të devotshëm, u nda nga jeta pasditen e djeshme në moshën 48-vjeçare.

Altin Qoshja vuante prej kohësh nga një sëmundje e rëndë, ndërkohë që ishte aktiv në politikë deri në muajt e fundit të jetës.

Ai ishte anëtar i grupimit “Dhjetori ’90”, ndërkohë që mbajti detyra të rëndësishme në PD dhe në administratën publike për shumë vite.

Partia Demokratike shprehu ngushëllimet përmes një mesazhi në “Facebook”, për humbjen e një prej 343 firmëtarëve që ndihmoi në krijimin e kësaj force politike në 11 dhjetor 1990.

“Partia Demokratike shpreh ngushëllime të sinqerta për ndarjen nga jeta të Altin Qoshes, studentit të Dhjetorit, që u shqua mes nesh për kurajën dhe urtësinë në kohë të vështira.

27 vite më parë, Altin Qoshja, së bashku me 342 studentë e pedagogë, firmosën mbrëmjen e 11 dhjetorit 1990, krijimin e Partisë Demokratike.

Gjatë lëvizjes studentore, ai u rendit ndër të rinjtë e parë, të cilët kundërshtuan regjimin diktatorial dhe deri në ndarjen e parakohshme nga jeta, ishte një nga demokratët më të përkushtuar.

Me dhimbje të thellë, ngushëllojmë familjen dhe miqtë e Altinit! I paharruar qoftë mes nesh!”

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.