Vendi ynë po përballet me virusin vdekjeprurës Covid-19, i cili deri tani ka regjistruar 15 të infektuar dhe viktimën e parë në Durrës.
Qeveria po merr masat e nevojshme për parandalimin e virusit, ndërsa Rama lajmëroi se që prej ditës së nesërme do të ndalohet gjithashtu transporti urban në Tiranë dhe Durrës.
“Jemi duke vlerësuar që nesër ose në ditët në vijim ndalimin e transportit urban në Tiranë dhe Durrës sepse nuk jemi ne të parët që kemi sfidën të përballemi me epideminë [sic], kemi eksperiencë nga vendet e tjera. E kemi të qartë se çfarë duhet të bëjmë hap pas hapi. Ka shumë rëndësi se si e ndërton të gjithë sistemin mbrojtës.
Këto masa janë sistemi ynë mbrojtës. Ajo që ju ndodhi vendeve që nuk i morën këto masa në vende shpërthimi nuk merren përpara sepse nuk kanë vlerë, sjellin një dëm të jashtëzakonshëm për ekonominë.
Askush nuk këshillon masa drastike. Ajo që këshillohet dhe kërkohet është krijimi i distancave të sigurisë aty ku punohet dhe krijimi i kushteve të thjeshta të mbrojtjes. Të gjithë duhet të jenë të pajisur me masa mbrojtëse. Ju takon sipërmarrjeve që të marrin të gjitha masat dhe të bëjnë shkurtimet e nevojshme, uljen e numrit, vendosjen e elementëve që ndihmojnë, si maskat, dorezat, detergjentë e kështu me rradhë.”- është shprehur kryeministri.
