Dy adoleshentë janë vënë në prangat e policisë për vrasjen e gazetares Lyra McKee. Të rinjtë e moshës, 18 dhe 19 vjeç, u arrestuan nën akuzën e akteve terroriste.
Gazetarja u godit me një plumb qorr ndërsa po vëzhgonte trazirat në Irlandën e Veriut mbrëmjen e së enjtes. Lyra McKee, 29 vjeçe, u plagos në vendin e ngjarjes por pavarësisht se u dërgua me shpejtësi në spital, nuk u mbijetoi plagëve të marra.
“Një person qëlloi pa dallim”, tha njëri nga reporterët që gjithashtu gjendej në vendin e ngjarjes gjatë aksionit.
Ndërsa zv.shefi i policisë, Mark Hamilton thotë se pas kësaj ngjarjeje dyshohet se është organizata “IRA”.
Ai shpjegoi se operacioi po zhvillohej pasi po kërkonin për armë zjarri që mund të përdoreshin gjatë fundjavës së Pashkës.
McKee njihej për pasionin e saj për të investiguar në çështje të cilat nuk u interesonin të tjerëve.
