Pasi u nda nga bashkëshortja Jennifer Aniston, Justin Theroux vendosi të mos ndërpresë miqësinë me të.
Marrëdhënia e tyre mori fund në vitin 2017 e megjithatë ata thanë se u ndanë si shokë.
Por Justin Theroux duket se po e shijon jetën si beqar pasi u fotografua me një brune misterioze në rrugët e qytetit të New York-ut të enjten.
Aktori, 47 vjeç, i veshur sportiv dukej se po e shijonte shoqërinë e vajzës simpatike, me të cilën bisedonte gjatë gjithë kohës.
Pak kohë më parë, aktori amerikan Justin Theroux foli për herë të parë pas ndarjes së bujshme nga Jennifer Aniston.
Në një intervistë për “The New York” , Theroux u shpreh se ai dhe Aniston janë ende miq të mirë dhe se ndarja mes tyrë u bë në mënyrën më të sjellshme.
“Lajmi i mirë është se u ndamë në mënyrën më të sjellshme, më paqësore. S’kishte armiqësi mes nesh.
“Asnjëri prej nesh nuk ka vdekur. Asnjëri prej nesh nuk ka ndërmend të hedhë helm për tjetrin. Mund të duket klishe, por ne e respektojmë mjaftueshëm njëri tjetrin dhe e gjithë kjo ishte shumë më pak e dhimbshme nga ç’menduam”, tha ai.
Aniston dhe burri i saj, aktori Justin Theroux, u ndanë më parë gjatë këtij viti pas dy vjet martese. Çifti nuk pati fëmijë dhe fjalët e njerëzve për këtë gjë, kanë qenë gjithnjë problem për akoren.
