Një tjetër pjesëtar i stafit të Donald Trump ka rezultuar pozitiv me Covid-19, duke vendosur në rrezik presidentin e Shteteve të Bashkuara të Amerikës.
E infektuar me koronavirus është konfirmuar zëdhënësja e nënpresidentit Mike Pence, Katie Miller.
Ajo është Sekretarja e Shtypit e nënpresidentit dhe bashkëshortja e këshilltarit të Donald Trump, Stephen Miller.
Një ditë pasi ndihmësi personal i Trump testoi pozitiv me virusin Covid-19, presidenti njoftoi edhe diagnozën e zëdhënëses Miller.
Gjendja e saj është e stabilizuar dhe zëdhënësja po mbahet e izoluar, për të parë në vazhdimësi ecurinë e gjendjes së saj.
Për shkak të infektimit me koronavirus, as Donald Trump dhe as Mike Pence nuk kanë qenë më në kontakt me Katie Miller, siç bëjnë të ditur zyrtarët e administratës.