Dy ditë më parë, këngëtarja Morena Taraku ndau në rrjete sociale një video nga dhoma e spitalit, ku kujdesej për të atin i cili ishte në gjendje të keqe shëndetësore.
“Babi, njëherë kukulla ime ishte prishur. Ti e rregullove dhe më the ‘Mos u dorëzo kurrë’. Unë vazhdoj të ndjek këshillën tënde. E di që ti s’do të dorëzohesh kurrë.
Babait më të mirë ndonjëherë! E di që s’mund të kujdesem për ty siç ti u kujdese për mua, por të dua aq sa ti më do”- shkruante Morena krahas videos ku shfaqet duke ushqyer të atin.
Video e saj bëri xhiron e rrjetit dhe ndjekësit të merakosur nisën të uronin shërim sa më të shpejtë për babain e këngëtares.
Për shkak të mesazheve dhe komenteve të shumta, Morena ka ndarë në InstaStory një foto të të atit, duke treguar se videoja ishte e një viti më parë.
Këngëtarja tregoi se gjendja shëndetësore e tanishme e babait të saj ishte e shkëlqyer, teksa ka falenderuar të gjithë për interesimin.
“Faleminderit për interesimin, videoja ishte e një viti më parë. Ai është shkëlqyeshëm dhe po ia del më së miri!”- janë fjalët e Morenës krahas fotos në InstaStory.
