Gjatë izolimit në shtëpi për shkak të pandemisë Covid-19, njerëzit i janë përkushtuar më shumë pasioneve të tyre dhe po merren me ç’tu vijë ndërmend për të kaluar kohën në karantinë.
Gjatë këtyre ditëve, thuajse të gjithë janë bërë ekspertë në gatim, mjeshtra në lojrat me letra, të tjerë kanë lexuar libra, janë stërvitur apo edhe kanë pikturuar.
Pikërisht pikturës i ka dedikuar kohën e saj edhe moderatorja Nevina Shtylla.
Në logarinë e saj në Instagram, moderatorja ka treguar se paska një talent të fshehtë, të cilin e vuri në pah karantina.
Nevina ka treguar në InstaStory se ka nisur të pikturojë, ndërsa dy prej pikturave të saj i tregoi të përfunduara.
Mesa duket, piktura është një pasion i Nevinës, e cila ka gjetur këto ditë mundësinë t’i përkushtohet më shumë dhe mbase të zhvillojë talentin e saj.
Po ju keni zbuluar ndonjë talent të fshehtë në karantinë?
