Në Shanghai dhe në Pekin rihapen shkollat e mesme, por të detyruar të ndjekin këto masa parandaluese

Një pjesë e nxënësve në Shanghai dhe Pekin janë rikthyer në shkolla pas disa javësh bllokim për shkak të koronavirusit.

Por sigurisht që asgjë nuk do të jetë më njësoj, prandaj nxënësit janë të detyruar të ndjekin këto masa parandaluese.

Në kryeqytet nxënësve u matet temperatura e trupit në hyrje të shkollës dhe iu duhet gjithashtu të tregojnë kodin jeshil në aplikacionin që aktualizon rrezikun e infeksionit personal.

Komisioni Kombëtar i Shëndetit i Kinës tha në një deklaratë se vetëm 3 raste janë regjistruar në vend në 24 orët e kaluara.

Me shifrat e fundit, numri i përgjithshëm i rasteve me COVID-19 në Kinë është rritur në 82.830. Gjithsej 4.633 njerëz kanë humbur jetën në vend për shkak të koronavirusit, ndërsa 77.474 janë shëruar.